«Аэро Номад Эйрлайнс» авиакомпаниясы 2026-жылдын 31-октябрынан тартып Бишкек – Фукуок – Бишкек эл аралык маршруту боюнча туруктуу каттамдарды аткара баштайт.
Каттамдар жумасына 3 жолу аткарылып, Кыргызстан менен Вьетнамдын популярдуу туристтик аралы болгон Фукуоктун ортосунда түз аба байланышын камсыздайт.
Мындан тышкары, Фукуоктон Бишкекке кайтып келе жатканда, белгиленген жүк ташуу талаптарына жана колдонуудагы эрежелерге ылайык, салмагы 5 кг чейин мөмө-жемиш салынган бир себетти акысыз алып өтүүгө уруксат берилет.
Буга чейин Бишкек – Фукуок – Бишкек маршруту авиакомпаниянын каттамдар тармагында негизинен чартердик ташуулар катары гана аткарылып келген. 2026-жылдын октябрынан тартып «Аэро Номад Эйрлайнс» бул багытты туруктуу негизде тейлей баштайт.
