28-апрелден ушул учурга чейин созулуп жаткан, кыргыз тажик чек арасындагы кагылышууну Тажикстан Республикасынын президенти Эмомали Рахмон өзү баштаган болушу мүмкүн. Ага кыргыз бийлигинин чек арага киргизген чектөлөрү себеп болушу мүмкүн.
Мындай пикирин, котормочу, Кыргыз Форум компаниясынын директору Жодат Мураталиев фейсбук баракчасына жазып чыкты.
«Тажикстандык досторум жазган маалыматка ылайык, ушул башаламандыктын бардыгын Тажикстандын президенти Эмомали Рахмон өзү баштаган.
Биздин бийлик күйүүчү-майлоочу майды жана баңги заттарды мыйзамсыз жүгүртүү Баткен аркылуу өтүшүнө бөгөт койгон. Белгилүү болгондой, эгемендүүлүккө ээ болгондон бери ири көлөмдөгү мыйзамсыз товарлар Баткен аркылуу өтүп келген.
Чек арага чектөо киргенден кийин Тажикстанда бензиндин баасы 1 долларга чейин көтөрүлүп, атүгүл кандайдыр бир мезгилде тартыштык болгону көпчүлүкө маалым.
Тажикстанда күйүүчү-майлоочу материалдарды импорттогон бирден-бир адам — бул президенттин күйөө баласы. Ал ошондой эле продуктуларды, дары-дармектерди да импорттойт.
Бул билдирүүнү тажик досторуңузга көрсөтүңүз, алар тастыкташат.
Маалымат булагым ошондой эле Рахмонов ал жакта эмне болуп жаткандыгына маани бербейт жана жеке кызыкчылыгын коргоого даяр экендигин билдирет. Ушундай лидерлердин айынан эки мамлекеттин карапайым эли кыйналып жатышат. Ал буга чейин эки-үч күн мурун чек арада болуп, анын шыкакчыларын даярдап жүргөн деп бекеринен айтышкан жок. Исфара шаарынын мэри, анын шериги, ал алдыңкы сапта болгон жана жаракат алган.
Ошондой эле ал акыркы бир жылдан бери Бажы биримдигине кирүүгө мажбур болуп жатат, бирок ал кыздары менен күйөө баласынын айынан бардык импорттук каналдарды жоготуп алгысы келбейт. Ал Россияга көп нерсени берген жана анын ордуна Бажы биримдигине кирген эмес.
Белгилүү болгондой, Тажикстан өтө авторитардык өлкө, ал жерде бир адам баарын чечет. Анын уруксатысыз эч нерсе болмок эмес, курал-жарак таркатымак эмес, аскер кызматкерлери алдын-ала даярдалмак эмес.
Мен бул билдирүүнү биздин өкмөттүн өкүлдөрүнө окуп берүүнү сунуштайм», -деп жазат интернет колдонуучу…
