Кадамжай районунун коңшу Өзбекстан менен чектешкен Алга айылынын 32 жаштагы тургуну кармалды. Ал өзү башкарган унаасында коңшу мамлекеттен аткезчилик жол менен мыйзамсыз акчаларды алып өтүп жаткан жеринен колго түшкөн.
Текшерүү иштеринин жүрүшүндө эки капка таңгакталып салынган 11 700 000 рубль жана 110 000 доллар акча далил катары алынганын облустук милициянын маалымат кызматы билдирди.
Аталган факт Кылмыштардын бирдиктүү реестрине Кылмыш жаза кодексинин 231-беренесинин («Экономикалык контрабанда») негизинде катталып, сотко чейинки өндүрүш иши башталды.
Учурда тергөө иштери жүрүп жатат.
