Кыргыз Республикасынын чек арасын мыйзамсыз кесип өткөн деген шек менен чет мамлекеттин жараны кармалды. Бул тууралуу УКМКнын басма сөз кызматынан билдиришти.
Маалыматка ылайык, кармалган жаран Россия Федерациясынын аймагындагы жашыруун террористтик топтун активдүү мүчөсү болгон. Ал 1982-жылы туулган М.И.М. аттуу жаран.
Ыкчам-иликтөө иш-чараларынын жүрүшүндө, шектүү 2022-жылдын октябрында Кыргызстандын аймагына мыйзамсыз өтүп келгендиги такталган.
Кармалган М.И.М. жасалма паспорт алып, андан кийин САРдын аймагындагы куралдуу кагылыш болгон аймакка барууну пландаганы аныкталды.
Учурда КР аймагында шектүүнүн шериктерин аныктоого жана кармоого багытталган иш-чаралары жүргүзүлүүдө.
