Кыргызстандын чек арасын мыйзамсыз кесип өткөн казак жараны кармалды. Бул тууралуу УКМКнын басма сөз кызматынан билдиришти.
Маалыматка ылайык, издөөдө жүргөн Казакстандын уюшкан кылмыштуу тобунун мүчөсү, 1990-жылы туулган Казакстан Республикасынын жараны С.А.А. кармалды.
Кармалган жаран Алматы облусунун аймагында тоноочулук фактысын жасагандыгы үчүн укук коргоо органдары тарабынан издөөдө жүргөн.
Жүргүзүлгөн иш-чаралардын натыйжасында, шектүү 2022-жылдын ноябрь айында Кыргызстандын мамлекеттик чек арасын мыйзамсыз кесип өткөндүгү аныкталды.
Учурда шектүү Юстиция министрлигине караштуу жазаларды аткаруу кызматынын №21- мекемесине киргизилди.