Бүгүн, 17-майда Чүй облусунун Дмитриевка айылында куралдуу топ кармалды. Бул тууралуу ИИМдин маалымат кызматы кабарлады.
ИИМ жана УКМКнын атайын бөлүктөрү куралдуу топту кармоо учурунда куралчандар катуу каршылык көрсөтүшкөн. Учурда тергөө тобу иштеп жатканы, бул боюнча кошумча маалымат берилери айтылды.
Алдын ала маалыматтарга караганда, кармалгандар тоноочулукка шектелүүдө.
Социалдык тармактарга атышуулар болуп жатканы тартылган видеолор тараган. Саламаттык сактоо министрлиги эки укук коргоо кызматкери жараат алганын, бири Улуттук госпиталга жеткирилерин билдирди.