Каракол — Эңилчек унаа жолунун 38–112-чакырымдарында (Чоң-Ашуу ашуусу) убактылуу чектөө киргизилет. Бул тууралуу «Кыргызавтожол» мамлекеттик ишканасы билдирди.
Маалыматка ылайык, 45–90-чакырымдар аралыгында күтүлүп жаткан жаан-чачынга байланыштуу кар көчкү түшүү коркунучу, кар күрткүлөрү жана муз тайгак болушу мүмкүн.
Чектөөлөр 19-декабрдан 22-декабрга чейин күчүндө болот.
«Кыргызавтожол» мамлекеттик ишканасы айдоочуларды жол багытын алдын ала тактоого жана коопсуздук эрежелерин так сактоого чакырат.
