Ысык-Көл облусунун Чолпон-Ата шаарына караштуу Бактуу-Долоноту айылындагы Бактуу-Долоноту дарыясынын нугунда сел суулары агып өтүүчү каналдын курулуш иштери жүрүүдө. Бул тууралуу Ысык-Көл башкармалыгынын ӨКМ пресс борбору билдирди.
Долбоор боюнча ӨКМдин Өзгөчө кырдаалдардын алдын алуу жана жоюу боюнча капиталдык курулуш департаменти тарабынан жалпы узундугу 2500 метр канал курулат.
Каналдын нугу 4 участокко бөлүнүп, бүгүнкү күндө биринчи участогундагы 730 метр тилкесинде курулуш иштери 90% аткарылып бүттү.
Мындан сырткары унаа өтүүчү 3 көпүрө курулуп бүткөрүлдү. Учурда төртүнчү көпүрөнү куруу иштери жүрүүдө.
