Бүгүн, 3-май күнү Чолпон-Ата шаарындагы ат майданда Республикалык Жеңиш кубогунун алкагындагы Биринчи лиганын тайпалык оюндары старт алды.
Алгачкылардан болуп оюн талаасында А тайпасында орун алган “Ак-Суу” – “Бакай-Ата” командалары беттешти. “Ак-Суу” командасы 6-3 эсеби менен алгачкы жеңишин камсыздады.
Экинчи оюнда В тайпасындагы “Ак илбирс” – “Кара-Балата” командалары кез келди. Оюн 10:2 эсебинде “Ак илбирс” командасынын пайдасына жыйынтыкталды. Белгилей кетсек, “Ак илбирс” Нооруз турниринде Экинчи лиганын чемпиону болуп, Биринчи лигага көтөрүлгөн.
Үчүнчү оюнда С тайпасында жайгашкан “Кара-Кулжа” “Жети-Аке” командалары кез келип, 8-1 эсеби менен “Кара-Кулжа” командасы жеңишке жетишти.
Төртүнчү беттеш D тайпасындагы “Четинди” – “Талас” командаларынын ортосунда орун алды. Оюн 6-1 эсебинде “Талас” шаарынын пайдасына жыйынтыкталды.
