Ысык-Көл облусунун Чолпон-ата шаарында жылып туруучу “Авто ураган» стационардык аппараттык-программалык комплекси ишке кирди. Бул тууралуу Жол кыймылынын коопсуздугун камсыздоо башкы башкармалыгынан билдиришти.
Башкы максат жол унаа кырсыктарынын алдын алуу жана туристтик мезгил учурунда коопсуздукту күчөтүү болуп саналат. Күн мурун түшкө чейин беш автоунаанын ар кандай эреже бузгандыгы аныкталып, алар убактылуу айып короо жайына токтотулду.
“Авто ураган” стационардык аппараттык-программалык комплекси аркылуу төмөнкүлөрдү аныктоого болот:
- автоунаанын издөөдө жүргөндүгүн;
- айып пулдарын өз убагында төлөбөгөндөрүн жана сотко өткөндөрүн;
- каттоосу убактылуу токтотулгандарын;
- ылдамдыкты ашырып айдагандарын жана башка бардык укук бузууларды.
Эскерте кетсек, 25-июндан тартып Чүй облусунун Жайыл районунун “Сосновка” постунда да стационардык аппараттык-программалык комплекси ишке кирген.
