Бүгүн, Нооруз майрамына карата Ысык-Көл облусунун Чолпон-Ата шаарындагы ипподромдо, улуттук көк бөрү оюну боюнча, республикалык турнирдин биринчи лигасы болуп жатат.
Талас облусунан келген «Кара-Буура» менен Ысык-Көлдүн «Жети-Өгүз» командасы беттешип жаткан учурда, оюнчулардын бири аттан жыгылып, тез жардам чакыртылды.
«Спутник» жазган маалыматка ылайык жыгылган оюнчу «Жети-Өгүз» командас ынан Руслан Чыныбек уулу. Ордунан тура албагандыктан тез жардам унаасы алып кеткен. Абалы тууралуу азырынча маалымат айтыла элек.
Оюнчу жерден улакты эңип алып чыгаарда каршылашы Ниязбек Мадалбек уулу капталдан урган.
Белгилей кетсек, Республикалык турнирдин биринчи лигасына 21 команда катышкан. Натыйжада, Таластан келген «Кара-Буура» 2:1 эсебинде «Жети-Өгүздү» жеңип алды.
Биринчи орунга 100 000 сом, экинчи орунга 50 000 с, үчүнчү орунга 30 миң коюлган.
Ал эми, турнирдик беттеште, Достук менен Ынтымак беттешет.