Чычкан суусуна агып кеткен аялды издөө иштери убактылуу токтотулду. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, 1-август күнү Жалал-Абад облусунунТоктогул районунда Бишкек-Ош унаа жолунун 255-чакырымында 1960-жылы туулган Д.В. аттуу аял киши Чычкан суусуна колун жууп жатып тайып жыгылып, сууга агып кеткен.
6-август күнү жерине издөө иш-чараларын жүргүзүүгө 21 куткаруучу, туугандарынан 10 адам тартылып издөө иштери суу тартылганга чейин убактылуу токтотулду.
Учурда куткаруучулар туруктуу жайгашкан ордуна кайтышууда.
