Бишкекте «Манас» аэропортунан башка бирөөнүн паспорту менен Түркияга учууга аракет кылган кыргызстандык кыз кармалды. Бул тууралуу УКМКнын Мамлекеттик чек ара кызматынын басма сөз кызматы билдирди.
Маалыматка ылайык, Бишкек-Стамбул каттамындагы №349 рейсти каттоо учурунда ал чек арачыларга башка бирөөнүн чет элдик паспортун тапшырган. Текшерүүчүлөр паспорттогу сүрөт документтин ээсинин сырткы келбетине окшош эместигин ачыктаган.
Кармалган жаран 26 жашта. Анын айтымында, Түркияга кирүүгө тыюу салынгандыктан, ал башка бирөөнүн паспортун колдонууну чечкен. Ал каттоого алынгандан кийин УКМКнын Чүй облусу боюнча башкармалыгынын кызматкерлерине өткөрүлүп берилди.