Журналист Чынар Капарова өзүнүн социалдык тармактагы баракчасына оппозициямын деп көкүрөк каккан айрым саясатчыларга билдирүү калтырды.
«Ооба, оппозиция дайыма болгон жана боло берет. Бирок Баткен, чек ара маселеси — ички саясий күрөштүн предмети болбошу керектигин «мен кыргызмын» деген саясатчы түшүнүшү керек эле. Анткени өз ара чукулашканыбыз сайын сырткы душмандын алдында мамлекет катары алсыраганыбыз алсыраган. Ушуну азыркы оппозициямын дегендер эсине алышса. Элге жагып, упай топтойм десе, чукулашканга Баткен, чек арадан башка көйгөй деле толтура»,- деген ал.
