Кыргызстандын эркин күрөш боюнча улуттук курама командасынын мүчөсү Орозобек Токтомамбетов Албаниянын Тирана шаарында өтүп жаткан дүйнө чемпионатынын күмүш медалына ээ болду.
Дене тарбия жана спорт департаментинен билдиргендей, спортчу 74 кг чейинки салмакта катышууда.
1/4 финалдык беттеште түркиянын балбанын 11:0 эсебинде, жарым финалдык беттеште орусиялык Исмил Ханиевди 1:1 эсебинде утуп финалга чыкты.
Алтын медаль үчүн беттеште япониялык спортчу Кота Такахашиге жеңилип, күмүш медалга ээ болду.
