«Даңазалуу доор» түрк сериалында Султан Сулеймандын ролун аткарган актёр Халит Эргенч Стамбулдагы нааразылык ишинин негизинде абакка камалганын Анадолу агенттиги билдирди.
«Соттолуучу Халит Эрген эки жыл үч айга эркинен ажыратылды», — деп айтылат макалада.
Сот Эргенчтин сот процессиндеги үлгүлүү жүрүм-турумун эске алып, жазаны бир жыл он жарым айга кыскартканы белгиленген. Түрк сериалынын жылдызы жалган көрсөтмө бергени үчүн күнөөлүү деп табылганы менен актёр өзү күнөөсүн мойнуна алган эмес.
Соттун өкүмү 2013-жылы Стамбулдун борборундагы Гези паркында болгон нааразылык акциялары боюнча чыгарылган.
Эске салсак, 2013-жылы Стамбулда өкмөттүн Таксим районундагы Гези паркын бузуп, анын ордуна соода жана оюн-зоок комплексин куруу чечимине каршы нааразылык акциялары башталган. Анда премьер-министр Тайип Эрдогандын саясатына каршы нааразылык толкунуна айланган. Тополоңдо беш адам каза болгон.
