Экс-президент Алмазбек Атамбаевдин Жогорку Кеңештеги мурдагы ыйгарым укуктуу өкүлү Данияр Нарымбаев «Бикард» жеке клиникасына жаткырылды. Бул тууралуу Kaktus.media редакциясы өздүк булактарына таянып жазып чыкты.
Маалыматка ылайык, буга чейин тергөө амалдары жүрүп жаткан учурда анын абалы оор экендиги айтылган. Буга ылайык жактоочулары аны ооруканага которууну суранышкан.
Эске салсак, Данияр Нарымбаев “Кумтөргө” байланыштуу камакка алынган.
Учурда “Бикард” жеке клиникасында мурунку премьер-министр Мухаммедкалый Абылгазиев, «Кыргыз темир жолу» МИнин экс-директору Василий Дашков жана УКМК тарабынан кармалган дагы башка аткаминерлер дарыланышууда.
