Бүгүн, 14-июнь өлкөнүн басымдуу бөлүгүндө өткүн өтүп, күн күркүрөшү күтүлөт. Бул тууралуу «Кыргыз гидрометеорология» кызматы билдирди.
Ал эми түнү Ош, Ысык-Көл, Нарын облустарынын тоолуу райондорунда өткүн өтүп, бийик тоолуу райондордо кар жаашы ыктымалдыгын айтышты. Шамалдын ылдамдыгы айрым жерлерде секундасына 15-20 метрге жетиши мүмкүн.
Абанын температурасы Чүйдө +32…+37, Таласта +28…+33, Ош, Жалал-Абад, Баткен облустарында +32…+37, Ысык-Көл, Нарын региондорунда +22…+27 градуска жетет.
Бишкекте жаан-чачын күтүлбөйт, +34…+36 градус ысыйт. Ал эми Ош шаарында өткүн өтүп, күн күркүрөйт. Термометрдин көрсөткүчү +33…+35ке чыгат.
