3-курстагы окуган кызга Ташкент мамлекеттик педагогикалык университетинин деканынын орун басары ыдык көрсөткөндүгү үчүн кармалды. Бул тууралуу Өзбекстандын Ички иштер министрлигинин расмий өкүлү Шохрух Гиязов билдирди.
Маалыматка ылайык, Өзбекстанда 18-октябрь күнү М.К. аттуу студент кыз мүнөздөмө алуу үчүн декандын жаштар иштери боюнча орун басарынын иш бөлмөсүнө барган. Ал тийишип баштаганда кыз катуу кыйкырган. Сырттагылар иш бөлмөсүнүн эшигин такылдатышканда декандын орун басары студентти терезеден түртүп жиберген.
Кызды ооруканага жетришкенде жамбаш сөөгү сынып, мээси чайкалып, гематома пайда болгону аныкталган.
23-октябрда декандын орун басарына каршы «Зордуктоо» жана «Атайылап адамдын саламаттыгына оор зыян келтирүү» беренелери боюнча кылмыш иши козголуп, камакка алынган.
