Уруш, чыр токтобогон чек араны президент чечти. Бул тууралуу III Элдик курултайдын жүрүшүндө Баткен облусунан келген делегат Камал Тагаев билдирди.
Анын айтымында мамлекеттин бүтүндүгү жалгыз эле бийликке эмес, жалпы журтка керек.
«Союз таркап, мамлекеттер эгемен болуп, чек аралар такталбай улуттар арасында уруш, өлүм, чык токтобой келди. Азыркы бийлик келди, чек ара маселесин чечти. Муну менен ынтымак бекемделди. Эми өлкөнүн бүтүндүгүн жалгыз мамлекетке таштап салбай, ак сакалдар жаштарга ынтымак тууралуу акыл-насаатыбызда айталы», — деди делегат.
Мындан сырткары, делегат Баткен районунун айылдарындагы көйгөйлөрдү айтып, маданият үйүн, атайын техникалардын зарылдыгын, сугат жана таза суу тартуу, стадион жана көп кабаттуу үй салуу маселелерин көтөрдү.
Посмотреть эту публикацию в Instagram
