«Бешинчи канал» жана «Пирамида» телеканалдарын сатуу сунушталды. Телеканалдардын маселеси бүгүн Жогорку Кеңештин Бюджет жана финансы боюнча комитетинде көтөрүлдү.
Телеканалдардын кызматкерлерине 2020-жылдын декабрь айы үчүн бюджеттен каралган айлык жетпей калгандыктан 40 миллион сомду бөлүп берилди.
Маалым болгондой, «Бешинчи каналдын» 82 миллион 484 миң сом карызы бар.
«Биз телеканалдарды башка да активдерди менчикке беришибиз керек. Бул каналдар боюнча комиссия түзүп чекит койбосок болбойт. Ошол эле кезде азыр аларга акча бербей ишин токтотуп койгон да туура эмес. Анткени ал жерде кызматкерлер иштеп атат. Парламенттин көз карашы боюнча телеканалдар жыштыктары менен сатылышы керек. Жок эле дегенде алар бюджеттен акча албай калгандай деңгээлге жетиш керек», — деп сунуштады депутат Марлен Маматалиев.
