Жогорку Кеңештин депутаты Эрулан Кокулов Чүйдөгү Токмок шаарынын мэри Максат Нусувалиев айтыша кетишти. Бул тууралуу видео менен эл өкүлү социалдык тармактагы баракчасына бөлүштү.
Маалыматка ылайык, Токмокто ата-энелер депутат Эрулан Көкүловго оңдоп-түзөөдөн өткөн мектептин абалына нааразычылыгын билдирип кайрылышкан.
Депутат шаар мэри Максат Нусувалиевди чакырып келип, спорт залдын полу сапатсыз экенин көрсөткөн. Бирок шаар башчыга Көкүловдун сүйлөө тону жакпай, экөө айтыша кеткен.
Мэр эл өкүлүнө үнүн көтөрбөй сүйлөөнү өтүнсө, Көкүлов өзүн Жогорку Кеңештин депутаты экенин эскерткен.
Ага мэр «Депутат болсоң эмне кылайын!»,-деп жооп берген.
