Жогорку Кеңештин депутаты Сагындык Келдибаевдин пара менен кармалган бир тууган иниси үй камагына чыгарылды. Бул тууралуу Өткүрбек Рахманов өзүнүн Facebook баракчасына жазды.
Анын посту жемкорлукка аралашкан аткаминерлерге эчкертүү катарында жазылган.
«Эстүү болуп, ушундан да бир нерсе ойлоп таба калайын дегендер бар турбайбы. Тактап койсок, депутаттын иниси 1000 доллар пара талап кылып кармалган болсо, бүгүнкү күндө мамлекеттин бюджетине 100 миң доллар төлөдү. Башкача айтканда, 100 эсе көп кайтарууга мажбур болду. Эми дагы алдыда соттолот. Эми миңдеген, миллиондогон доллар жегендер өзүңөр ойлонуп көргүлө… УКМК жемкорлорду курутуп, карапайым элибиздин жашоосун жакшыртууга негизги күч болуп атканы көрүнүп турат», — деп жазган.
