Бүгүн, 9-февралдагы Жогорку Кеңештин жыйынында “Элдик” депутаттык тобунун лидери Акылбек Түмөнбаев Түркия Республикасында катталган зилзаланын кесепеттерин жоюуга көмөктөшүү максатында депутаттардын эки күндүк эмгек акысын которуу сунушун берди.
Жыйынтыгында демилгени жалпы депутаттар колдоп, каражат которуу чечими кабыл алынды.
Кошумчалай кетсек, 6-февраль күнү таңга маал Түркия Республикасынын түштүк-чыгыш аймагында катуу зилзала катталып, көптөгөн адамдар урандылар астында калды. Аларды куткаруу ишине кыргызстандык куткаруучулар да кол кабыш кылууда.
