Динара Молдошева Инновациялар боюнча мамлекеттик агенттиктин директору болуп дайындалды. Бул тууралуу президенттин аппаратынын басма сөз кызматы билдирди.
Маалыматка ылайык, Садыр Жапаров кол койгон Жарлыкка ылайык, 2021-жылдын 11-апрелинде референдумда кабыл алынган «Кыргыз Республикасынын Конституциясы жөнүндө» Кыргыз Республикасынын мыйзамынын 4-беренесинин негизинде Молдошева Динара Автандиловна Министрлер Кабинетине караштуу Интеллектуалдык менчик жана инновациялар боюнча мамлекеттик агенттигинин директору болуп дайындалды.
Баткен облусунун Кадамжай районуна караштуу Айдаркен айылында 1979-жылы мугалимдердин үй-бүлөсүндө туулган. Улуту — кыргыз. Үй-бүлөлүү.
2010-жылы Кыргыз Республикасынын Жогорку Кеңешинин депутаты — Кыргыз Республикасынын Жогорку Кеңешинин Этика жана регламент боюнча комитетинин төрагасынын орун басары;
2011-жылдын 4-мартынан тартып — Кыргыз Республикасынын Өкмөтүнө караштуу Монополияга каршы жөнгө салуу мамлекеттик агенттигинин директорунун орун басары;
2011-жылдын 26-декабрынан тартып — Кыргыз Республикасынын Өкмөтүнүн Кыргыз Республикасынын Жогорку Кеңешиндеги туруктуу өкүлү — Кыргыз Республикасынын Өкмөтүнүн Аппаратынын Жетекчисинин орун басары рангында;
2018-жылдын май айынан баштап Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматында эмгектенген.
