Диний экстремизмге каршы күрөшүү боюнча КР аймагында тыюу салынган “Йакын Инкар” диний экстремистик агымдын ишмердүүлүгүнө тиешеси бар Нарын шаарынын тургуну кармалды. Бул тууралуу УКМКнын басма сөз кызматы билдирди.
Маалыматка ылайык, ушул жылдын 5-декабрында аталган жаран А.Н.М. тандап алган жолун туура эместигин эл алдында мойнуна алып, мындан ары бул экстремисттик кыймылдын ишмердүүлүгүнө катышуудан баш тарткан.
УКМК тарабынан экстремисттик көз караштардын алдын алуу жана “Йакын-Инкар” диний экстремистик агымдын мүчөлүгүнөн чыгарууга багытталган иштер улантылат.
