Ысык-Ата районунун Дмитриевка айылында болгон окуяда кылмышкер менен коңшу батирди убактылуу ижарага алып жайгашкан чет өлкөлүк 18 жарандын документтери күйүп кеткен.
Ысык-Ата райондук мамлекеттик администрациядан билдиришкендей, райондун акими Алмазбек Осмонов чет өлкөлүк жарандар менен жолугушуп, аларды Кант шаарындагы жатаканага убактылуу жайгаштырган.
«Аларды тамак-аш, кийим-кече менен камсыздоо жергиликтүү бийлик тарабынан колго алынды. Чет өлкөлүк жарандардын бирөө Белоруссиянын, калгандары Россиянын жарандары. Алар Кыргызстанга өз алдынча тоого чыгып эс алуу үчүн келишкен»- деп берилет маалыматта.
Алар Россия, Белорусия элчилиги менен байланышып, документ маселелери чечилгенге чейин жатаканада жашашат.
