Бишкек шаарынын Ленин районунун жана Чүй облусунун Аламүдүн районунун аскер комиссарлары коррупция фактысы менен кармалды. Бул тууралуу Башкы прокуратурадан билдирди.
Аталган кызматкерлер системалуу түрдө мыйзамсыз акча талап кылуу схемасын уюштуруп, аскерге чакырылгандардан жана алардын мыйзамдуу өкүлдөрүнөн акча алышкан.
Ошондой эле мобилизациялык резерв боюнча талапкерлердин тизмесине киргизүүдө да акча опузалоо фактылары аныкталган.
Учурда кармалгандар Бишкек гарнизонунун гауптвахтасына киргизилди. Тергөө иштери жүргүзүлүүдө.
