Бишкекте эки университеттин жетекчилери пара алып кармалды. Бул тууралуу УКМКдан билдиришти
Маалыматка ылайык, Ж.Баласагын атындагы Кыргыз улуттук университетинин жана Карасаев атындагы Бишкек мамлекеттик университетинин факультеттеринин жетекчилери тарабынан уюштурулган, Кытай Эл Республикасындагы гранттык орундарга окууга кабыл алуу үчүн, студенттерден 900 АКШ доллары өлчөмүндө акча каражатын алуу боюнча коррупциялык схема аныкталган.
Жүргүзүлгөн ыкчам-издөө иш-чараларынын натыйжасында пара талап кылгандыгы үчүн «И.Б.М.» жана «А.С.Х.» аттуу жарандар кармалып, УКМКнын тергөө камак жайына киргизилди.
