Экс-премьер-министр Мухаммедкалый Абылгазиевдин баш коргоо чарасы 26-июлга чейин узартылды. Бул тууралуу Биринчи май райондук сотунун басма сөз кызматы билдирди.
Маалыматка ылайык, Биринчи май райондук сотунун 27-майдагы токтомунун негизинде, шектелүүчү Мухаммедкалый Абылгазиевге карата УКМКнын тергөө изоляторуна камакка алуу түрүндөгү бөгөт коюу чарасынын мөөнөтү 2021-жылдын 26-июль күнүнө чейин узартылган.
Белгилей кетсек, экс-премьер-министр Мухаммедкалый Абылгазиев коррупция жана мыйзамсыз баюу фактысы боюнча айыпталууда. Ал эми буга чейин дагы 2021-жылдын 19-мартында Абылгазиевдин УКМКнын тергөө абагында камакка калтыруу түрүндөгү баш коргоо чарасы 26-майга чейин узартылган.