Кыргызстанды тыюу салынган диний уюмдардын биринин мүчөсү жана ошол эле уюмдун аялдар канатынын активдүү мүчөсү, буга чейин соттолгон Жалал-Абад облусунун 41 жаштагы жашоочусу А.Б. аттуу аял кармалды. Бул тууралуу Чүй ОИИБнин басма сөз кызматы билдирди.
Маалыматка ылайык, шектүү экстремистик маанидеги материалдарды социалдык түйүндөр аракылуу жайылтканы аныкталып, алынган материал тиешелүү экспертизага жөнөтүлгөн. Анын натыйжасында, таркатылган материалда экстремистик маанилер камтылганы аныкталган.
«Чүй облусунун ИИББнын экстремизмге жана мыйзамсыз миграцияга каршы аракеттенүү кызматкерлери тарабынан жүргүзүлгөн ыкчам тергөө иш-амалдарынын натыйжасында жогорудагы аял Жалал-Абад облусунун Аксы районунан кармалып, Аламүдүн райондук соту тарабынан убактылуу кармоочу жайга камакка алынды. Сотко чейинки өндүрүш иштери улантылууда», — деп берилет маалыматта.