Кара-Балтада 50гө жакын кичи автобустун айдоочулары муниципалитеттин имаратында иш таштады. Бул тууралуу Чүй облустук милициясынын Жол кыймылынын коопсуздугун камсыздоо башкармалыгынын басма сөз кызматы кабарлады.
Маалыматка ылайык, айдоочулар жол кире акысын көтөрүүнү талап кылууда. Учурда жол кире акысы 7 сом, ал эми айдоочулар 13 сомго жогорулатууну талап кылышкан. Ал эми Бишкекке чейин 75 сом. Каражаттын баары оңдоого, күйүүчү майга, жатаканага кеткенин айтышууда.
Учурда мэрияда кичи автобустар боюнча сүйлөшүүлөр жүрүп жатат.