Бишкекте 8-март Аялдардын эл аралык майрамына карата Энелер маршы өттү.
Аялдардын эл аралык күнүнө карата Эмгек, социалдык коргоо жана миграция министрлиги Кыргызстан пенсионерлер партиясы менен биргеликте Ак Элечек улуттук кийимчен энелердин жүрүшүн уюштурду.
Жүрүшкө Кыргызстандын бардык жети облусунун өкүлдөрү, ошондой эле Эмгек министрлигинин борбордук аппаратынын кызматкерлери, өлкөнүн белгилүү блоггерлери, акын-жазуучулары катышты.
Уркуя Салиеванын эстелигинин алдында КРнын эл акындары, “Манас” эпосунун айтуучулары салтанаттын катышуучуларына сөз сүйлөп, өлкөнүн алдыңкы дизайнерлеринин улуттук кийимдеринин мода көргөзмөсүн уюштурушту.
Майрамдык иш-чара президенттин атынан жазгы жоолуктарды тапшыруусу менен аяктады.