Түркиянын президенти Режеп Тайип Эрдоган кыргыз элин жана президент Садыр Жапаровду Орозо айт майрамы менен куттуктады. Бул тууралуу президенттин аппаратынын басма сөз кызматы билдирди.
«Бул ыйык майрам кол сунуу, бир тууганчылык жана сабырдуулук сезимдерин бекемдейт. Быйыл пандемия Ислам дүйнөсүнө терс таасирин тийгизүүсүн улантып жатат. Мен Ислам дүйнөсүнө туруктуулук менен бейпилчиктин кайтып келүүсүн тилейм», — деп айтылат куттуктоодо.
Режеп Тайип Эрдоган Садыр Жапаровго чың ден соолук жана албан-албан ийгиликтерди, ал эми боордош кыргыз элине эсенчилик жана бакубатчылык каалады.
