Эркин күрөш боюнча курама команда Казакстанда өткөн Эл аралык мелдеште байгелүү орундарга ээ болушту. Бул тууралуу Дене тарбия жана спорт департаменти билдирди.
Кыргызстандын эркин күрөш боюнча улуттук курама командасынын мүчөлөрү Казакстандын Тараз шаарында өткөн Динмухаммед Кунаевдин жаркын элесине арналган Эл аралык мелдешинде 4 медаль (1 алтын, 3 коло) жеңишти.
70 кг чейинки салмакта Эрназар Акматалиев Эл аралык мелдештин жеңүүчүсү аталды. Ал эми Алмаз Сманбеков (61 кг), Аден Сакыбаев (70 кг) жана Орозобек Токтомамбетов (74 кг) коло медалга ээ болушту.
