Эртең, 24-мартта саат 09:00дөн 16:00гө чейин Бишкектин айрым аймактарында таза суу болбойт. Бул тууралуу мэриядан билдиришти.
Маалыматка караганда, Достоевский, Анкара, Ауэзов көчөлөрү менен чектелген аймак жана темир жол линиясы суусуз калат. Ошондой эле Алтын Ордо, Кара-Жыгач, Полиция шаарчасында суу болбойт. Бул «Контррезервуар» суу алгычында жана шаардагы таза суу түтүктөрүндө оңдоо-профилактикалык иштерге байланыштуу аргасыз чара. Бишкек шаарынын мэриясы келтирилген ыңгайсыздыктар үчүн кечирим сурайт жана ичүүчү суу камдап алууну суранат.
