Эртең, 5-апрелде саат 9:00дөн 17:00гө чейин борбор калаанын айрым райондорунда оңдоо иштерине байланыштуу таза суу өчүрүлөт. Бул тууралуу мэриянын басма сөз кызматы билдирет.
Маалыматка ылайык, Күрөңкеев, Абдрахманов, Элебесов, Бельская, Ала-Арча дарыясы, Жибек-Жолу, Жаш Гвардия, ЧЧК, Саадаев көчөлөрү менен чектелген аймактарда суу өчүрүлөт.
Турак жай имараттары, мектептер, мектепке чейинки балдар мекемелери, саламаттыкты сактоо мекемелери жана башка социалдык объектилер, өнөр жай ишканалары суусуз калат.
Ошондой эле “Красный строитель”, “Ак-Тилек”, “Көлмө”, “Алтын бешик”, “Салам Алик” конуштарында дагы суу өчүрлөт.
