Эртең, 12-февралда Камчыбек Ташиевге Германияда операция жасалат. Бул тууралуу анын жакындары билдиришти.
«Урматтуу Мекендештер! Жалпы мусулман бир туугандар, Камчыбек Кыдыршаевичке дуба кылып туруңуздар! Кудай кааласа ушул Жума күнү операция болот.
Хадистерде айтылгандай, мусулмандын башка мусулманга дубасын Кудай таала сөзсүз кабыл кылат. Андыктан көп дуба кылыңыздар аман-эсен Кыргызстанга кайтып келип Мурдагыдай Кыргызстанга, Элибизге, Жерибизге пайдасы тийип жүрө берсин», — деп айтылат билдирүүдө.
Белгилүү болгондой, Камчыбек Ташиевге оор операция жасалат.
Камчыбек Ташиев өзү дарты аныкталгандан кийин, калган өмүрүн эл үчүн иштөөгө жумшарын айткан.
