Эртең, 7-февралда Кинорежиссер Геннадий Базаров менен коштошуу зыйнаты өтөт. Бул тууралуу Маданият, маалымат, спорт жана жаштар саясаты министрлигинин басма сөз кызматынан билдиришти.
Кыргызстандагы автордук кинонун алгачкы түптөөчүлөрүнүн бири менен коштошуу иш-чарасы А. Малдыбаев атындагы Кыргыз улуттук академиялык опера жана балет театрында саат 10:00дө башталат.
Маркумдун сөөгү «Ала-Арча» көрүстөнүнө коюлат.
Белгилей кетсек, Кыргыз ССРинин искусствосуна эмгек сиңирген ишмер, КРнын Эл артисти, автордук кыргыз киносунун негиздөөчүлөрүнүн бири, режиссёр жана сценарист Геннадий Базаров 6-февралда 81 жаш курагында каза болду.
«Саманчынын жолу», «Буктурма» жана башка тасмалары өлкөнүн кино хроникасына түбөлүккө жазылган.
