Европа Биримдиги Кыргызстан менен Тажикстандын ортосундагы чек аранын делимитациясы жана демаркациясы боюнча акыркы келишимге кол коюлушун кубаттайт. Бул тууралуу Евробиримдиктин Кыргызстандагы өкүлчүлүгү билдирди.
«Бул диалогго жана тынчтык жолу менен талаштарды чечүүгө негизделген маанилүү учур жана чоң кадам. Келишим Борбор Азиянын туруктуулугун жана бекемдигин чыңдайт.
Европа Биримдиги регионалдык кызматташтыкты колдойт жана бул келишимдин ишке ашырылышын колдоого даяр. Бул процесс Борбор Азия боюнча стратегиясына жана ЕБ менен Борбор Азиянын ортосундагы байланыштарды тереңдетүү боюнча Биргелешкен Жол картасына шайкеш келет», — деп айтылат маалыматта.
