Европада издөөдө жүргөн “Land Rover” үлгүсүндөгү унаа Бишкектен табылды. Бул тууралуу ИИМдин басма сөз кызматы билдирди.
Маалыматка ылайык, унааны 1995-жылы туулган К.М. аттуу жаран ээлик кылып айдап жүргөнү аныкталган. Ал унаа 2020-жылы Германияда эл аралык издөөгө алынган.
Аталган факты боюнча Кылмыш-жаза кодексинин 380-беренеси (транспорт каражатынын идентификациялык номеринин жасалмасын жасоо, жок кылуу) менен кылмыш иши козголгон.
Экспертизанын жыйынтыгында, “Land Rover” үлгүсүндөгү унаанын кузовунун белгиси үй шартында өзгөртүлгөнү аныкталган.
