Президенттин басма сөз катчысы Галина Байтерек кызматтан кетип, мамлекеттик кызматка башчы болуп дайындалды. Тиешелүү буйрукка Садыр Жапаров 18-майда кол койгон. Эми ал президенттик администрациянын Билим берүү, илим, маданият, спорт жана жаштар бөлүмүнө жетекчилик кылат.
Буга чейин Галина Байтерек социалдык баракчаларына бүгүн басма сөз катчылык кызматта акыркы күн иштеп жатканын, алдыда «жумуштун жаңы фронту» турганын жазган.
Галина Байтерек 2020-жылдын 29-октябрында президенттин басма сөз катчысы болуп дайындалган. Ага чейин ал көп жыл Коомдук телерадиокорпорацияда эмгектенип келген.