Ысык-Көл облусунун Ак-Суу айылында гидропоника ыкмасы менен жасалган жылуу күнөсканада сүт багытындагы уйлар багылат. Эң кызыгы бул күнөскана өзүнчө жылытууну талап кылбайт.
“Уйлар аталган тоютту жегенден баштап, салмак кошуп, суттөрү да көбөйдү. Сарай уйлардын деми менен чыккан жылуу аба жыгач полу аркылуу өйдө көтөрүлүп, полдун жаракаларынан жылуулук бөлүнүп турат. Ал өсүмдүктөргө да жылуулук берет. Эч кандай кошумча чыгымсыз табигый жылуулук пайда болот. Күнөскананын чатырынын жарымы оцинковка темирден, жарымы полиэтилен пленкадан жасалган. Жарык да кирет, жылуулук да сакталып турат”-, дейт фермер.
