«Экс-депутат Шайлообек Атазовдун үйүндөгү тинтүү тууралуу тараган видео актуалдуу эмес» бул тууралуу ИИМдин басма сөз кызматы билдирет.
«Бул видео актуалдуу эмес жана тасмадагы көрүнүштөр 2025-жылдын июнь айында болгон тергөө иштерине тиешелүү. Ал иш-чаралар КРнын кылмыш-жаза кодексинин 263-беренеси (Уюшкан топторду жана кылмыштуу коомдоштуктарды каржылоо) боюнча козголгон кылмыш ишинин алкагында жүргүзүлгөн.
Азыркы учурда Ш. Атазовго карата эч кандай процессуалдык аракеттер жүргүзүлүп жаткан жок. Эски материалдардын таралышы боюнча текшерүү жүргүзүлүп, маалыматтын булагын жана дезинформациянын жайылыш себептерин аныктоо үчүн текшерүү жүрүп жатат», — делет маалыматта.
