Бүгүн Сагымбай Манасчы көчөсүндө Hyundai Sonata үлгүсүндөгү унаанын айдоочусу жол эрежесин одоно бузуп, экинчи тилкеден кирген. Аны токтотууга аракет кылган учурда айдоочу милиция кызматкерлеринин мыйзамдуу талабына баш ийбей койгон. Бул тууралуу МККБнын басма сөз кызматы билдирди.
Бирок, камерага тартып атканын байкагандан кийин гана токтоп, талапты аткарган. Ага карата тиешелүү бузуу жөнүндө протокол түзүлдү.
МККБ айдоочуларды жол эрежелерин так сактоого жана милиция кызматкерлеринин мыйзамдуу талабын сөзсүз түрдө аткарууга чакырат.
