Депутат Тазабек Икрамов күйүүчү майлардын, азык-түлүктөрдүн бааларынын көтөрүлүшү боюнча маселе көтөрдү. Бул тууралуу ал бүгүн, 4-мартта Жогорку Кеңештин жыйынында билдирди.
«Күндөн күнгө күйүүчү майлардын баасы кымбаттап жатат. Дүйнө жүзүндө нефти арзандап жатат. Жазгы-талаа иштери башталды. Биз дыйкандарга кандай жардам беребиз? Өкмөт эч кандай кыймыл да жок. Кымбат 11 мамлекеттердин катарына кирдик. Бул маселени качан чечесиздер.
Мындан тышкары азык-түлүктөр кымбаттап, эл коңгуроо кагып жатат. Өкмөт эмне кылып жатасыздар? Маселе качан чечилет», — деди ал.
