Кечээ, 23-июлда Москва районуна караштуу Беловодский айылынын Фрунзе көчөсүндө өрт чыккан. Бул тууралуу ӨКМнын басма сөз кызматы билдирет.
Маалыматка ылайык, бир имаратта жайгашкан темир жана шифер жабылган эки дарыкана, сулуулук салону жана тез тамактануучу жайдын 465 чарчы метр чатыры менен кошо тиричилик буюмдары күйүп кеткен.
Жалпы 3 өрт өчүрүүчү бөлүм тартылып, саат 19:18де өрт чектөөгө алынып, кечки саат 21:12де толугу менен өчүрүлгөн.
Өрттүн себеби такталууда жана жабыркагандар жок.