Военно-Антоновкадагы балдар үйүндөгү өспүрүмдүн өлүмү боюнча комиссиялык экспертизанын корутундусу чыкты. Бул тууралуу Чүй ОИИББинин басма сөз кызматы билдирди.
Маалыматка караганда , өспүрүмдүн өлүмү боюнча материалдар Чүй ОИИБинин тергөө кызматы тарабынан 138-берене (Денеге оор залал келтирүү, натыйжада байкабастыктан адам өлүмүнө алып келген) менен кылмыш иши ачылган.
Комиссиялык экспертизанын корутундусуна ылайык, И.Якуниндин өлүмүнүн себеби көкүрөккө болгон соккунун натыйжасында жүрөгү рефлектордук токтоп калган. Сотко чейинки иликтөө иши уланууда.
Эскерте кетсек, 1-июнда Военно-Антоновка балдар үйүнүн 12 жаштагы тарбиялануучусу Игорь Якунин каза болгон.
