Жогорку Кеңештин бүгүнкү сессиясында депутат Инкендер Матраимов, Папандан (Кара-Суу району) Бишкеке жөө акцияга чыгып келгендер боюнча маселе көтөрүп, УКМК, ИИМ жетекчилеринен бул маселени талдап берүүнү өтүндү.
«Шайлоо башталса эле бизге асылып баштагандар бар. Мен буга чейин жооп кайтарган эмес элем, бүгүн деле кайтарбайм. Болгону папандан жөө келгендер боюнча тактап берип койсоңуздар! 1996-жылы берилген жер экен. Суулуу жер болгондуктан 2008-жылы токтом кайра артка кайтарылыптыр. Кече соттум чечими менен үй куруп алгандар кайтарылса, кимдир бирөө акыл болуп, «Бул жерге Матраимовдорду кошуп койсоң жакшыраак текшерип берет» -деп. Акыры бир жыйынтыгына чыгыш керек да, ушуну бир текшерип бергилечи!» -дейт Матраимов.
