Социалдык тармактарда үй-бүлөсү менен депутат болууну каалаган Исаевдер талкууга түштү.
- Жогорку кеңештин депутаты Канат Исаев Чүйдүн Кемин шайлоо округунан бир мандаттуу система боюнча өзүн-өзү көрсөтүү жолу менен талапкерлигин койгон.
- Ал эми жубайы Жамиля Исаева «Ата-Журт Кыргызстан» партиясында төртүнчү тизмеде турат.
- Уулу, Чынгыз Исаев «Республика» партиясынан Токмок шаардык кеңешине депутат болгон.
Эске салсак Канат Исаев былтыркы жылы парламенттик шайлоого «Кыргызстан» партиясын жетектеп барган. «Кыргызстан» партиясы шайлоого чейин чуулу иштерге аралашып, акчалуу партиялардын катарын толуктаган.
Жубайлардын жарыша Жогорку Кеңешке аттануусуна албетте мыйзам жол берет. Ал эми эл добушун береби жокпу убакыт көрсөтөөр.
